सध्या संचारबंदी असल्याने अनेक जणांना भरपूर मोकळा वेळ हाताशी मिळाला आहे. या मोकळ्या वेळेचा सदुपयोग करण्यासाठी प्रत्येक जण वेगवेगळे काही उपक्रम करतो आहे. व्यायाम, योगासने, प्राणायाम करण्याची इच्छा असूनही, सुरुवात करण्याची सवड मिळत नसलेल्यांना ही सवय अंगी बाणवण्यासाठी हा कालावधी उपयोगात आणता येऊ शकेल. म्हणूनच काही योगासने, प्राणायाम यांसारख्या घरबसल्या करता येण्यासारख्या आरोग्यदायी क्रियांचे व्हिडिओ आणि माहिती आजपासून शेअर करत आहोत.
चालन क्रिया :
चालन क्रिया या प्रकारात काही शारीरिक व्यायामांचा समावेश होतो. योगासनांसाठी शरीर तयार करणे अथवा ते शिथिल करणे, मोकळे करणे यासाठी योगासनांच्या पूर्वी या क्रिया केल्या जातात.
यामध्ये मानेच्या हालचाली, हात व पायांच्या ठराविक हालचाली, शरीराच्या महत्त्वाच्या अवयवांच्या हालचाली आणि त्यांना मोकळे करण्यासाठी असणारे काही व्यायाम यात केले जातात. या क्रियांमुळे शरीर उत्साहित होते. केवळ चालन क्रिया केल्यानेही शरीराच्या सर्व अवयवांना प्राथमिक प्रमाणात आराम आणि व्यायाम मिळू शकतो.